遺言 (x_x)

無故高燒了2天，心裡很不安，人在外地，無人無物，胡思亂想...致電回港，媽媽說: 阿邊個邊個急性血癌呀...咪就係持續高燒唔退所以發現架囉(!)(!)

我都知，好多奇難雜症都係因為無故發燒而俾發現的...(okok...我都知佢係關心我先比我更胡思亂想的...)

其實我想說，我自己不怕死的，我死左冇左生命，咩都帶唔走咩都唔會知，冇咩大不了。我只怕為家人、愛我的人、朋友們帶來傷痛，因為我知道這些傷痛並唔係必然的，係因為愛才會痛，但，愛，本來是應該帶給人快樂的...

2天以來，一直睡了又醒，醒了又睡，在床上動彈不得之際，忽發奇想...假如我真的客死異鄉，點算?? 不如在這裡寫一個遺言系列啦! 我百無禁忌的，我常說，never say never，要相信自己已經得到最好的同時，要prepare for the worse，有誰知道自己一定活得過明天??

之但係，病好的時候，就再冇病果時咁感性，我知道自己要講咩不過又表達唔出果種感情，始終都係blog，唔係好有果種感覺(感覺呢2個字係普通話黎既)，有冇人有好的方法提供一下?? 錄音好嗎??