右眼眼眉跳左幾日，俾我見到呢個

眼眉跳占吉凶
http://tokyo.cool.ne.jp/windowdream2004/KFC.htm

眼眉跳像一個預報系統，無端端眼眉跳的話，我地即刻會諗到「唔知有乜事會發生呢」，一般人只會話左吉右凶，但其實眼眉跳時的時辰、是左還是右，都代表了不同的事情。這次就告訴你這個預報系統究竟所占為何事:

眼眉跳時辰:子時(11pm-1am)
左:會有貴人出現，助你解決當前的疑難，又或帶給你一個難得的機會。
右:代表食神駕到，有機會品嚐一頓美酒佳餚。

眼眉跳時辰:丑時(1am-3am)
左:你一直擔心著的事真的會發生，你最好做定準備，將凶險程度減至最低。
右:代表有人正在想念著你，對方可能是你在外國的親戚朋友，又或你的前度情人、暗戀者。

眼眉跳時辰:寅時(3am-5am)
左:在外地的朋友會回來探你，又或會跟久沒見面的朋友碰面。
右:恭喜恭喜!將會有喜事到來，令你心情特別靚。

眼眉跳時辰:卯時(5am-7am)
左:將會碰到一個重要的人物，可以是對你事業有影響力的人，又或助你拉紅線的媒人。
右:這是一個平安的兆頭，代表事事順心，平安大吉，無風無浪。

眼眉跳時辰:辰時(7am-9am)
左:會有客人到訪，這個人的出現實在教你感到意外。
右:一件會對你造成傷害的事將會發生，你要特別小心謹慎，尤其要小心會有意外發生。

眼眉跳時辰:巳時(9am-11am)
左:會有開心的事發生，例如朋友會請你食一餐，或會收到一份禮物。
右:不順心的事將會發生，做事會有較多阻滯，頭頭碰著黑。

眼眉跳時辰:午時(11am-1pm)
左:會有輕鬆愉快的事發生，亦代表有食福，可以大快朵頤。
右:不吉利的事會降臨，凡事要特別謹慎，可將不吉利程度減輕。

眼眉跳時辰:未時(1pm-3pm)
左:恭喜你!一些大吉大利的的事會發生，令你喜出望外，興奮莫明。
右:沒左眼那般大吉大利，但也屬小吉之兆，都值得開心。

眼眉跳時辰:申時(3pm-5pm)
左:看緊你的財物，容易遇上爬手，有所損失。
右:代表某位異性正在想念著你呢!

眼眉跳時辰:酉時(5pm-7pm)
左:會有不速之客到訪，令你有點措手不及。
右:有朋自遠方來，又或會重遇舊朋友，大家暢談甚歡。

眼眉跳時辰:戍時(7pm-9pm)
左:會收到一通電話，帶給你一個特別的消息。
右:社交運旺盛，你將會參加一個聚會，從中會認識到不少新朋友。

眼眉跳時辰:亥時(9pm-11pm)
左:會有貴人到來，帶給你好消息、好機會。
右:容易惹上官非，行事請特別小心!

@THE END OF 2010

2010 年仲有十幾日咋，

諗起我2009年12月31日係泰北金三角大叫"仆街的2009年終於都過喇!!"

原來又一年!

今年過得好快，

特別係下半年，轉左DEPT HEAD又多左野自己HANDLE，又攪結婚D野...

 

講時講，結婚D野都尚算順利，

因為我未來老公的參與率好好，

又由得我做自己中意的決定

一路聽人講好多人都會攪結婚D野鬧交，

SO FAR TOUCH WOOD 都冇野呀，攪得好開心~

2輯婚紗相、結論介子同當日攝錄都已經BOOK 晒

我好期待去CHOOSE衫呀!!! 超貪靚~~WAKAKA~

搵日BOOK 埋個律師先~

 

至於份工，今年返左呢份工，好煩好多是非，

不過算啦，慢慢學識愈睇愈化，

把口生係人度，中意點講就點講啦~

愈做愈各自為政其他野咩都唔想理~

都唔係唔好既，長大左少少，EQ 高左少少...

 

另，近來肥左，好唔好食代餐減肥呢??

我早2日睇雜誌見到ORBIS 的代餐，

佢D MARKETING 做得幾好丫，睇完都想試~

sync “冇野”

Super 心涼ing...sync "冇野"丫拿

前2日
A: 好彩我keep 住部舊notebook，哈哈….我promotion 咪用得著囉，等我update 返佢，sync 返system d
野先~~ 呀哈哈…好彩我有準備jack…..
我: 咪住，咁你呢部notebook 係abc店的舊機，如果你依家sync system 可能會攪亂現時abc 店o係system 的record 架bor~
A: 點會jack，冇關係格，我地office 有我地office sync，冇關係格….
(我心諗: 個system 鬼識分你o係邊咩…)
(點知個8婆仲搵埋我個舊manager 出黎，"教"我…..)
Manager: 唔關係架…拿，你呢部notebook冇用咁耐，你sync 都係sync "冇野"去個system 度，但係又可以拎返d
updated 的data 落黎，咁2部電腦咁一樣囉…冇關係架bor…(下刪3000字…)
我: 哦~~~ (是x但啦，你中意啦，我都唔想理你，提下你je~~ ok~ 你覺得ok 就ok冇關係就冇關係啦啦…或者佢真係試過work 呢….)

今日
A: 哎呀，點解唔得架…我果日sync 左之後明明係得架…
我: =_="
A: 冇可能，等我問下電腦公司先~~
---------------

喂，阿邊個呀，我想問下呢………(講左好耐，我都唔想聽)
(突然間，好大聲) 原來舊電腦個setting 已經唔可以再sync野呀?! 冇理由架bor，我前2日sync 完都有最新d data check 到架….
冇理由架bor...
---------------

我雖然唔明sync 唔到點解係都話果日睇到係睇到乜q…但係正常人都諗到啦…
我: 我有另一部電腦，work 既，冇改過setting既…我借你promotion 用啦~~
A: 唔該晒你呀 ^^
我: =_="
(另一個重點係: A同事 & manager都係用iphone 架，咁係唔係一個ITUNE 可以周圍係咁sync "冇野")

恍惚

徹夜未眠，帶著哭得紅腫的眼直接上班

這種感覺既陌生又青春

作為一個喊包，的確耐唔耐就有一次

但人大了，喊得沒以前厲害

最辛苦的，其實是睡得不夠

進度 7/11/2010

又係時候update下個進度喇，今個week 的進度好好呀，

已經book 左場，book 左婚前檢查同埋買左中式餅卡喇

講開中西式

其實三妹個人真係好西(OK，這句話很爛)，一直都好怕d中式野

book 左我一直都中意的西式lunch buffet

場地就係紅磡都會海逸

不過真的好好好好貴呀~~

幸運地未來老公容我選自己喜歡的

從沒跟我計較這些東西

可知道我倆都不是什麼大富大貴

一分一毫都是他血血汗汗的儲回來

但他說: 我嫁得幸福快樂 (同埋靚，我加既) 就得

我知道，他把他努力回來的都放到我身上

沒有一點私心，只有很多的愛…

本身打算低調處理的事，好似愈來愈高調了 =p

update

又有好多日冇寫blog lu~

呢排公司好多麻煩野，

基本除左上次book 左去日本影婚紗相之外，

就咩都冇攪過lu~

希望今個星期能firm 些什麼的~

時日太快，無知的小孩一晚長大

這CAPTION 是跟老朋友飯局後的感想

大家都見証住大家的轉變

特別是這一年見1-2次的老朋友

大家都比較容易aware 佢彼此的改變

思想上我發現自己在這3年老了不止5年

e.g.

以前的我，硬頸的，為了自己的原則，可以不顧一切

現在的我，好勁的，為了mami開心，可以變得冇晒底線



算了，一世人兩母女，你喜歡就好，你快樂就好，超~孝~順~

我常在想假如我要用30分鐘的不快能換到人家1小時的快樂，

那就可以了，我不介意那30分鐘的不快的



但當然我也受到不少批評，說我的想法是一種愚孝

我下不到定論，只能說，"愚"即係"蠢"

蠢唔蠢其實對我來說至起碼沒有什麼大不了，

至少相比起不孝，我寧願選做蠢…

知足常樂

如題，我是幸福的

想點??

很幸運，我屋企同我男朋友屋企都唔洗我地擺酒，

容許我們自己決定以任何方式嫁/娶 (多謝daddy, mami, 未來老爺奶奶)

三妹是又怕麻煩又虛榮的女子

一直心想攪一個outdoor 的daytime cocktail registration party 就好了 (最好有草
地)

靚得黎又冇咁多traditional 野，不錯呀



但睇睇下，原來無論budget 同鎖碎野都不比擺酒少…點好呢?



我開始淆底喇，不如簽個紙就算啦…

我真係幾怕煩…感覺好似工作外再做多part-time

咁我不如接份freelance 返黎幫補下生計會唔會好d ??

再唔係慳返d $$ 去個正d 的honeymoon…好想再歐遊呀，

家下euro 都唔係貴丫(?!)

(ok，我知道，人要有心做一樣野，總係會俾好多reason 去 support 自己的決定)



三妹當然係貪心的cheap 精，又想慳又想maximize 回憶又貪慕虛榮仲要怕麻煩

想點??



p.s. reference reading:

http://blog.jessicahk.com/jblog/suewai/2010/05/04/%E7%9B%B4%E6%93%8Ajill-stu
art%E5%A4%A2%E5%B9%BB%E5%A9%9A%E7%A6%AE/

是日早餐

為配合是日的體力勞動，

是日早餐由方包改為旦牛治 + 熱奶茶

Physically 同 mentally 都好飽呀~

ok，我知我小家，so what?!

收到前男友的恭賀，想起家嫂的"給我愛過的男孩們"，
隨即upload了。他說:希望我的那個他可以永遠把我想要的給我。
我立即想了想，呀，我有什麼永遠想要的??是愛吧。

大既是歌詞寫得太好了，其實沒有以前的我們，哪有現在呢?
年紀多大都好，思想和價值觀都一直隨經歷/身邊的人一起成長，
今日的我們畢竟始終都會是過去的延續，
只是愛情轉移了，落了在不同的人身上。所以不得不說一句謝謝。
那份愛昇華了，我們都在遠遠的祝福著對方，
說實在，這種這麼近那麼遠的感覺還是positive 的，
我心中的你還是sunshine的。

當然也有某些前人，我沒有把那份愛昇華，
愛過後留下傷痕，再沒關心/眷戀。
反正好聽一點說，我是愛恨分明的，
老實一點，我是黑心的，你來一心要傷害我，我做咩要祝福你?
同樣地，我幸福與否都不用某些人的祝福。
我很小家，敵與友，我有很清晰的界線。

唔好再丟低我喇..

今早你唔o係我身邊，我先知道原來你日日陪住我已經成為習慣了。
冇左你，我真係好唔知點咁，坐火車巴士都是呆呆的，心入面空空如也。
呢兩年黎你都未試過丟低我架…我唔可以再同你分開喇，冇左你我點算呀??
Iphone, 我下次會帶charger架喇~~

犯賤了

轉了新老細後，因為對方唔知頭唔知路，
大部分的工作都稱心了，
再冇人雞蛋入面挑骨頭…
但當然，有d野唔再有人阿吱阿左
多左野可以自己manage
換句話說我自己要initiate 的東西多了
有咩事都係我自己揹
有時，嗯，有d淆底…

一刻都唔可以鬆懈

我的使者已經黎到喇，但係同我初初黎果陣一樣，
唔係好知定，呢度d人又係咁擺門，又俾人話唔知頭唔知路咁

近來的日子當然係好過左好多啦，
我大老細仲同大家講到明以後個8婆就唔可以要求我地唔同team 做野…
心入面都不知幾心涼

不過世事既野有時好難講
特別係人人都係咁擺門既時候…
Transition 都唔係一樣簡單的事
真係一刻都唔可以鬆懈呀

小小既心願

黎到4working days left 喇~
日子雖然過得好慢，佢又日日針對我
但我呢幾日都好努力同自己講:
幾日je，幾個月都係咁過啦
唔知有冇人奇怪我忽然update 得咁快咁多
因為…為左迎接我的新老細
我已經調左位喇
我知道我唔應該對新老細期望太高，
之但係我唔能夠想像有更衰的老細
我只係想到我發現一山還有一山高果陣先再搵工je,,,
反正呢度老早就唔想做
做多幾個月，捱得到2月bouns先講
我小小既心願就只係咁簡單咋…可以嗎?

我的工作

我的工作好聽一點叫做Retail operation management，難聽少少係管鋪，但實情只
係一個揸住雞毛的steward。
有人請假，我係調動人手的，舖頭有光管唔著，我係搵人去修理的admin，舖頭有人
唔守紀律，我係訓導主任，舖頭事無大小下屬做得唔開心，我係輔導員，總之有咩
冬瓜豆腐，都係我負責。
條數唔靚都當然係我既問題，但係本公司既system 就連check stock 都做唔到，仲
有超過八成既既靠人手點同抄寫/fax，電腦係要黎將d fax打出黎，當然那個人也是
我。
以上的都是job requirement ，不過pk的都未講到，下回再續。

IPHONE盛世

2年前出iphone 的時候，我承認我係一個貪慕虛榮既人
Iphone 盛世，以前舊公司成班fd食飯
大大話話成十部iphone，成班同事，lunch 連線打下機，
得閒講下application，幾咁開心

呢2年iphone的日子，基本上都冇咩大問題(耐唔耐hang 一次機囉)
容易悶如我，2年都冇嫌棄冇打爛的手機真係未試過
除左不時有野update 仲可以日日不同數之不盡的apps之外
冇打爛先係奇蹟，
我用野好粗的，2年黎我的iphone 由高處墜地不少於50次，
次次都"哎呀"，次次咪又係冇事~~

俾左幾千蚊又唔係用一世，
我唔會有心機錫住用，電話又好手袋又好，
最好可以同我上刀山落油鑊，
幾舊水一塊果d咩防花防a防b唔好預我
幾千蚊我唔係大口氣，
但係日日用為起黎一日都唔係好貴je

Iphone4見街排晒大隊，我都明白大家對佢的期待
我唔係唔想買，但係今時唔同往日
新公司d同事，個個係精打細算的姐仔
唔單止冇人陪我玩…最重要的係…人人都話要用iphone
好幾個我心入面的老土怪都話想出部iphone
又問我好唔好用呀，唔知識唔識用呀咁
老實丫，我真係唔想同呢d人討論呢個topic
唔係我睇唔睇得起你，你俾唔俾得起幾千蚊
幾千蚊人人都有，只係我唔想同你用同一部電話je
如果我同你出左同一部機你咪好多話題同我講?? 唉~

點好呀?? 唔出iphone我冇野出喇
我去睇過喇….
真係冇咩電話好用
plus令我有信心可以用over 一年(同可以勁跌over50次)

萬物有序

家中的小魚生了很多魚卵，
攪到我老豆鬼咁歡喜，
仲走去同我阿媽講話第時唔知會唔太多要拎去賣(!)(!)

有時，
小寵物的確令我地睇到好多大自然的奧妙，（無錯，我係試過為左感受新生命的喜悅而無情情買兩隻倉鼠返黎俾佢地生既！）
當我見到兩條魚連最中意既魚糧都唔要，
憑住天性盡力咁捍衛自己的魚旦，
起勢趕走其他魚
我即刻覺得個魚缸好好睇！睇左成粒鐘！！
而我老豆就攪場大龍鳳又開個缸又話安胎又A又B！

作為internet小精靈(!)的我，當然諗野都科學d(!)(!)(關事嗎？)
孵化期要點呢？等我去google it~~

好了，看到了百度一下（一定要講普通話）

答案係，鸚鵡魚是不。能。生。育。的！
http://baike.baidu.com/view/15895.htm

唉正所謂萬物有序

商人胡亂配出新物種賺$$$

往往唔會想什麼

可憐我家小魚拼了老命去保護那些沒生命的魚旦，
你想像到幾咁悲涼嗎？

至於我老豆嘛？咪攪完成場大龍鳳之後＂下＂左一聲，
再好似政制咁＂123再還原基本步＂囉~

生命

生命有時真的很脆弱，
家中有長輩離開了，心入面當然會唔開心
但當我想到，老人家在這80年，
由一無所有隻身偷渡來港，
到現在生活無憂兒孫滿堂，
應該了無牽掛了吧…
生生死死的都不再多說了，
反正生命的真諦不是說出來的，
活在當下就好了。
希望老人家一路好走，我知道我們會有一天再相見的。

給妹妹的信

妹,

我知道你呢個年紀唔中意屋企人俾限制你
其實，難道我不想你有一天可以自立?
但係回想返尋晚的事，
我更希望你明白，
有時有d情況係有需要去俾多少少意見你
你以為是見暑期工，老實說，你話你既朋友唔洗問人就去喇
如果你尋日的情況，係唔係想咩都唔問就自己去呢…
去到才知道是騙人的推銷公司就太遲了

記得我講過嗎? 唔好唔開心屋企有較多的限制
我都有過的，我跟你係同一個屋企的，
你現在的種種，我都有經歷過
但請你不要忘記，我們都真的很愛你
你將來得到的一定俾其他人多，真的….

有些東西，可能你目前明白了，多說你就覺得煩
但其實，我是不快樂的，我唔開心為什麼我妹妹變得成日大脾氣
變得不分是非了，只是希望朋友間玩得開心，
不緊要，因為我知道這個年紀需要朋友
我只是要跟你說，
我不開心，但我沒有發你脾氣，
我有control 自己，想用最溫和的方法同你講
到頭來我卻俾你發返我脾氣
所以我唔開心，更要俾你知道我的想法

17歲算大個了，既然你希望得到愈來愈多的空間
同時，你要各方面都要有成長
可以的話我會努力陪你走過的，好嗎?

姐

靜

昨天跟男友冷靜了一天，
感覺有點空洞，
難得收得早，八點回到家倒頭就睡，
晚飯也沒吃，（都怪午飯吃了自助餐）
也許每個人需要的愛情也不一樣，
很想好好去了解自己，了解對方
但，了解之後還得溝通遷就妥協，
漫漫長路，我們真的可以嗎？

已再沒有堅持的力氣

謝謝留言的人給我的支持和鼓勵，昨晚我又被打倒了，好像被打落谷底了，看到你
們的留言，不知怎的哭了。
很想找回以前的自己，找到自己想要的東西，因為，我已沒力氣去再等等等了。
謝，我會繼續用iphone一字一字的寫。

正能量，你去左邊？

相信呢度冇人再會黎睇，不過唔怪得人，係我懶啫~
自轉工後根本冇私人時間，呢份工雖然俾我學到好多野，但同時亦俾無限咁多負能
量，完全唔能夠有空間我打網誌。
每次都因為學到野而忍，唔知自己可以忍幾耐，但，有誰可以給我勁多正能量？
男友問：以前果個亂衝嘅你去左邊？
係喎，去左邊？我承認自己EQ好低，好容易depress，不過，現在的生活真係好差。
就算放左工返到屋企都冇得好好休息，有時仲有人怕我唔死留好多家務俾我做，也
有時精神上的壓迫並不時坐下hea下可以解決。
P.S. 以上完用iPhone寫的，on a 冇位坐的火車

人工的意義

> 唔知仲有冇人會黎睇呢?
> 自從返左新工，基本冇得閒過，莫講話update blog好多野想講想做一路都唔
> 得…
> 先講下我份工，我依家的工作…點講好呢…retail management 囉…總之就唔得
> 閒啦~ 放工通常都好夜喇，冇晒私人時間。
> 不過咁，我畢業之後d工都hea hea 地，我都想學下野忙下，起碼o係後生都叫做
> 燃燒過下d 青春。
> 呢份工最麻煩的，就係點handle
> 我阿姐，雖然係smart、識野同肯教我野，但係就吹毛求守疵唔理人感受、唔好
> 脾氣、衰格同冇人要的麻煩友，成公司都冇人中意佢，又成日當我係奴婢…
> 攪到我呢d唔受得氣既成日都唔開心咁放工…
> 有一日我有個fd 同我食飯，佢俾左好多正能量我，佢叫我要當呢個係挑戰，當
> 份工50% 係學野(既然佢肯教，for
> 之後跳糟的)，50%係handle 煩人，計我話，我handle 到我阿媽冇咩理由handle
> 唔到呢條中女既…
> 給自己，給大家: 如果公司俾野你學，點解仲要俾人工你呢? 係俾你黎受氣的~
> 大家加油!!!

修甲

Pat pat痕去修甲，當然係搽平日自己冇的顏色啦！睇落都幾中意依隻色！$78算係
咁啦！

左右做人難

原來同時做乖女+做乖女朋友都好難架！有邊個明我想點？

幾時都話大人講野細路仔唔好做炸両架啦

幾時都話大人講野細路仔唔好做炸両架啦
爸：今朝早餐食方飽呀我！(邊說邊從工事包拎左半包食剩方飽)
媽：攪錯呀！又食方飽！你知唔知你食完方飽個方飽袋我都要黎做垃圾袋架！環保呀！
爸：...
媽：我呀，好環保架嘛，公仔麵個包裝都要留返黎做垃圾袋呀！用一世都用唔完喇！你下次唔好自己去買方飽啦，我呀平日自己帶食物盒去買麵包架！
爸：er...呀！俾d惠康印花你丫！
媽：嘩！邊度得黎咁多印花呀！
爸：今日去見客，買禮盒俾客丫嘛！
媽：你買呀？點解唔去7-11呀？我都唔要惠康！（開始唔多正常不停replay）7-11 都差唔多價錢，但平日我買唔到幾百蚊野嘛！哎呀，激死我喇，依度好多個hello kitty喇！你買野之前問下我丫嘛，點解唔問我？
我：算啦，點可能買個飽又問下你，買咩都問下你jack?!
(媽keep住e e 哦哦，其實我都唔知佢up乜)
我唯有再重覆：算啦，真係冇可能買樣樣野都問左你先買架！
媽：(超大聲擦破喉嚨大叫)關你咩事呀！收聲啦死女！(之後狂哭，嬲左我2日)
我諗佢覺得我攻擊佢！唉，做左炸両....

Timeline

細個讀書時候拍拖，冇咩好做人又冇咩承擔，時間好多，同時好希望另一半可以咩晒所有時間我，最唔中意對方放假都唔陪我，甚至以為可以用時間分配去衡量各樣野╱自己喺對方心目中的重要性。

可能係大個左，生命入面多左好多元素，有陣時反而想自己一個人停一停諗一諗， 想多少少時間面對自己，亦都因為咁，覺得時間成日都唔夠用，又或者唔識好好編排。

不過上帝的安排有時好奇妙，現在的我的男友好像以前的我一樣，很想抓緊和我一起的時間，間中會給了我一點壓迫感。

昨天，我跟他說了這種感覺，其實，我心入面好怕傷害了他，但我又想坦白，我只想讓他明白，我覺得為了見我一個鐘而花另外兩個鐘去travel不值得，opportunity cost太高；也想坦白讓他知道，我不是想跟他朝朝暮暮的，我們將來還有很多時間是不用pay如此high cost 的。

或許有些女孩，像以前的我，見到男友做這麼多就是為了多見一下自己會好lum，但既然我們有的是將來的話，我就是不忍他為我辛苦。

或者，貴精不貴多，我們應取個平衡，假如我沒見他三天，我會很盼望那一小時的。只是我表達得不好，令件事聽起來變得很harsh，令對方唔開心，很對不起。

想起曾經有人跟我說，他愛足球多過愛我，愛朋友多過愛我(!)當時的我很傷心，覺得自己連足球也不如(!)(!)

雖然以前的表達同想法都好可愛，但角色掉轉後，現在的我反而有點體會了，愛情是細水長流的，是一條time line，朋友食飯吹水唱k (well，同足球)只是那長長的time line上的點(你咪理我d點有幾密啦！)，我還是會知道莊╱閒的啊！

To my dearest bf, 假如你有來看，你是否像我以前那樣可愛，質疑自己的重要性呢？告訴你，你不會比不上我的豬朋狗友的，鋼琴也好足球也好，什麼也不及你讓我快樂，它們都不能像你愛我寵我，我仍然深愛你，只是我說話太差，傷害了你對不起，love u and kiss u as always...

沒有錢的確是萬萬不能的

我發覺自己愈老愈現實，那追求物質的年紀好像愈來愈遠。

當然，我還是會買好多無聊小飾物，但除此之外基本沒有什麼缺乏。

半年間把錢花光了，買到很多體會，覺得自己諗野同價值觀都變左好多，但要追回
失去的時間和收入也是很惱人的。

知足一世你便富有

如果有一天　汽車與飛機轉眼再不足夠
別害怕　你擁有的　天賦的　一對雙腳　伴你可漫遊
如果有一天　你屋裡傢俬一旦再不擁有
別害怕　那溫暖的　家裡的　成員歡笑　伴你於床頭　心樂透

＊人的快樂　在乎學曉等候
　命裡不歸於你　你便毅然地放開手
　越抱著只會越嬲　知足一世你便富有

＃人善天不欺　簡單一個道理　怎麼(竟)不看透
　任君多美麗富裕　在最後平頭　每種因果是有天修
　人善天不欺　你懂得以後　掌握心中節奏
　只要食得落　睡得好　天天裡笑得開口　便(就)已足夠

Repeat ＊,＃,＃

如果有一天　戰爭與飢荒充斥全個地球
別害怕　你心我心　手與手　連成一線　為你可分憂　好朋友