賢妻良母訓練班 - 送禮的南瓜muffin

做法:

由於時間關係，今次只係買現成的muffin mix。只係加旦一隻，butter 30g，奶20g同埋少少麵粉(因為見佢好似稀得滯同太甜)，170度焗20min

因為送禮，所以另買2套muffin packing (日本人的packing 出名靚~)， 包一包即刻靚晒!!

想電呢個頭

想電到咁，但係我d 頭髮又厚，之前偷薄果時攪到碎濕濕咁...應該唔係好work...
okok，我知我冇陳小姐咁索，我淨係講髮型，focus 返個髮型，ok??

心情的cycle

我近日的心情沒完沒了的在如下的盤轉:

今日起碼要溫完xxx 同xxx 呀 --> 太多野未學到，太深喇--> 報考了就盡力好了，不合格就算 --> 當然可以妄想僥倖過關更好 --> 死背 --> 讀完又唔記得 (因為係不明甚解的死背only) --> 好氣餒--> 測試一下je，又何必為此而沮喪?? --> 算啦，唔好諗喇，起碼都淨係讀 xxx 啦..... (loop 住左.....@@)

有時大陸野都幾得意丫

閉關

考試逼近了，我正在閉關，網誌要少寫點。12 月6日是我出關的大日子!! 到時見。

慚愧

年少無知我的我，讀書的時候一點中史也沒有讀過 (但我係讀文商的!) 從中一開始，除了第一次那雄心壯志的測驗外，自始以後從沒有一課聽過書，考試測驗更沒有合格過。當時的我比較崇洋，對咱們祖國一絲興趣也沒有，歷史歷史，事情都過去了，還學來幹什麼? 當時天真的我是如此想的。

人老了才知道那什麼源遠流長的歷史是多重，才知道自己的愚昧...去旅行的時候，見到有一個由中國傳入的東東，友人算一算，這個年份是五代十國，連朝代都不能順序記住的我，深深的慚愧起來，那都是修養的一種。

我媽和我家的長輩都很喜歡讀歷史，有時他們閒聊的時候，用歷史打個比喻，原來那是多麼具體的例子，理應是知識份子(!) 都應該明白的呀，我這廿幾年來都係ignore 佢地的(!)(!) 但現在的我，好想考完日文讀一下中史，簡簡單單的兒童版也好...

p.s. 原先這是寫到facebook note 的，但我的文筆太差，表達不到那種覺得自己枉讀了書的慚愧，又寫不多懂歷史的重要性，還是不記名的好。

blogger 的世界

其實我好喜歡呢個blog，因為冇人知我係邊個(ok，我係send左俾3個人的)，我可以隨心寫，冇保留的寫。(難道你覺得我夠膽o係facebook 寫一句: 我覺得自己o係床上是ok 的嗎??)

3唔識7的blogger 們又可以留言，講得衰d，你又唔知我邊個，做咩要同我講野先? 所以我次次收到留言就會覺得blogger 的世界好美好，因為大家每一句都係冇私心的。學我舊公司話齋: Fun for sharing~

謝謝留過言的你你你，我會繼續亂up24的。

Treasure Every Moment With Your Loved One

很開心，男朋友會在12/nov 來日探望dry爆的三妹啊，呵呵～～～

其實我真的開心到不得了，但由於孤寒，總覺得咁樣無啦啦洗成皮野，好有罪惡感。實情是8月他已經來過陪我到北海道放暑假。我家男友好痴情啊，對不對? (<--唔知點解呢句係國語黎既)

我有時都有覺得太誇張，但始終都開心既，因為我知道佢真係好鍚我…(ok，我在晒命!)

再一次期望紅葉，京都，奈良，雖然呢d地方我已經去到爛晒，(ok，我又在晒命)，但我未同過男朋友去嘛，完。全。唔。同。的。

又，還有我未去過的USJ，(真羞家，住咁近都未去過…)我在閃閃眼睛期待中(!)

又又，如果唔係一個人黎要咁貴，我係可以邊度都唔去，淨係匿在酒店做愛的(!)(!) 有好多野，以前唔會識珍惜的。分隔2地，只要能相擁都已經不易了，其實去哪裡都好。

Last but not least，我大條道理由12號到16號都唔會update 呢個blog!!

有關catching up

Re 返之前篇BLOG，我發覺，我同人地比較的東西都好多。原來唔單止係我唔中意的人，仲有我好中意的人。

話說，我的朋友仔們都好醒，個個同我一樣年紀，一係就讀多左幾個專業的QUALIFICATION (甚至phD)，一係就買左樓(仲要係豪宅)，再唔係就好努力咁有自己的家庭 (但都不忘在公司火速上位喎，咩事?)，總之一片光明的。幾乎個個都搵OVER我之前搵開的人工的1.5倍或以上。

我其實有時都會覺得自己太任性，差咁D野咁，同時好怕自己會同朋友們的距離愈來愈遠，始終生活水平會愈來愈有差。

OK，我知道，我都可以發揮我的小宇宙的，但係想要的東西太多，我不可以太貪心。我想回港後儲錢買樓，又成日唔夠膽去讀MASTER 但又心思思。

我常說，知足就得，點解有陣時會咁呢? 做人正面一點把不足當推動力是好的，想得太多就好煩人。還是踏實點趕快CATCH UP 就好。

清水寺 vs 黃大仙

之前有朋友來日旅遊，一齊去玩左幾日。正所謂有朋至遠方來，不亦樂乎。實在玩得好開心(完全好似唔洗讀書咁全場程投入遊客狀態，我就是如此的遊戲人間，一玩起黎咩都唔會理。)跟住我就post 左少少相上facebook 啦，我個fd 話: 「又係清水寺?? 我去清水寺仲多過去黃大仙呀」

我諗諗下，呢句野好串，但係又岩喎!

無啦啦做咩會去黃大仙呢? 記憶中，兒時有可能去過唔知，懂事以來只係陪前男友去過一次，究竟如果我係遊客，我會唔會去黃大仙呢? 我印象中的黃大仙係好多煙，薰到我開唔到眼的，我又唔係善信，咁開唔到眼去黎做咩?

返正題，(唉，成日side-track晒) 我冇資格去質疑古代流傳落黎的風俗傳統，其實講左咁耐，我只係想講我係幸福的，有機會講一句咁串的說話。清水寺又好，黃大仙都好，可以有時間有自由唔係必然的。

p.s. 是誰說日本科技好先進的?? 我的internet 幾乎晚晚都有d時間會掉線!!!

快樂 with 警惕

一個人的快樂，不在於因為他擁有多少，而在於他計較多少。

這是友人在msn 的status，我很想記下，應該說，我很想警惕一下自己。我可以說係一個幾唔計較的人，甚少跟朋友計較什麼，大家開心就已經最好。作為我ture fd 的，我可以接納的東西很多。說實在，就算朋友做錯，但很快樂，我係唔會阻止佢做傻事的，點傻我都會撐，很多事都只在乎主觀的心，不在乎客觀的事，我愛我的朋友，點傻我都一樣咁愛佢地，相反，道不同不相為謀，我討厭的人，做什麼我都不會認同，即使你今天很好嗎? 你還是有一天會pk的。

但，我其實是幾比較的，我好在意自己得到幾多，人家得到幾多的，這樣的我，不是很快樂，是我最大的缺點。幸好這樣的時間不多，除了這一點，我是很快樂的。

我要與你遊盡可愛的天下